नगर जिल्ह्यात १० जुलै २०२२ रोजी ‘बकरी ईद’ आणि ‘देवयानी आषाढी एकादशी’ साजरी केली जाणार आहे. जिल्ह्यातील कायदा व सुव्यवस्था अबाधित राखण्यासाठी महाराष्ट्र पोलिस अधिनियम १९५१ चे कलम ३६ हे २८ जून रोजी दुपारी १२ ते ११ जुलै रोजी दुपारी १२ वाजेपर्यंत लागू करण्यात आले आहे. जिल्हा पोलीस अधीक्षक मनोज पाटील यांनी याबाबतचे आदेश जारी केले आहेत.

राज्यातील राजकीय परिस्थितीमुळे आंदोलने, प्रतिवादन, प्रतिकात्मक पुतळ्यांचे दहन, बूटफेक आंदोलन आणि राजकीय पक्षाच्या नेत्यांच्या कार्यालयांची तोडफोड असे प्रकार घडत आहेत. तसेच देशभरातील विविध संघटना केंद्र सरकारच्या अग्निपथ लष्करी भरती योजनेचा निषेध करत आहेत. त्यामुळे विविध राजकीय पक्ष मोर्चे, निषेध आंदोलन, धरण आंदोलने, रास्तारोको, प्रतिकात्मक पुतळ्यांचे दहन, कार्यालय तोडफोड करण्याची शक्यता आहे. त्यामुळे कायदा व सुव्यवस्थेचा प्रश्न निर्माण होण्याची दाट शक्यता आहे. त्याचप्रमाणे सध्या जिल्ह्यात विविध दिंड्या, पालखी आगमन व प्रस्थान तसेच इतर धार्मिक कार्यक्रम साजरे केले जात आहेत. त्यावेळी मोठी गर्दी होण्याची शक्यता नाकारता येत नाही.

अहमदनगर जिल्ह्यातील सर्व उपविभागीय पोलीस अधिकारी व प्रभारी पोलीस अधिकारी यांना महाराष्ट्र पोलीस अधिनियम 1951 च्या कलम 36 अन्वये वरील कालावधीसाठी नियमन आदेश जारी करण्याचे अधिकार देण्यात येत आहेत, असे पोलीस अधीक्षक मनोज पाटील यांनी आदेशात म्हटले आहे.

Share.