पेटीएम देणार 5 लाखांपर्यंत स्वस्त कर्ज; असा करा अर्ज!
तुम्हाला स्वस्तात कर्ज हवे असेल तर? पेटीएमने तुमची ही इच्छा पूर्ण करणार आहे. कारण पेटीएम बिझनेस अ‍ॅपच्या मर्चंट लेंडिंग प्रोग्रॅमच्या माध्यमातून पेटीएम 5 लाख रुपयांपर्यंतचे कर्ज देणार आहे. कोलॅटरल फ्री कर्ज आणि खास डेली ईएमआय असलेलं प्रोडक्ट बाजारात आणण्यासाठी पेटीएमने काही शेड्यूल्ड कमर्शिअल बँका आणि एनबीएफसी सोबत भागिदारी केली आहे.
हे स्वस्त कर्ज लहान व्यापाऱ्यांना त्यांच्या व्यवसायाच्या विस्तारासाठी मदत मिळणार आहे. व्यापाऱ्यांच्या डेली ट्रान्जेक्शनच्या आधारावर कर्जाची सीमा आखण्यात येईल आणि त्या आधारित प्री-क्वॉलिफाईड कर्ज देण्यात येणार आहे.
कर्जाची प्रक्रिया कशी असेल? : या कर्जाची संपूर्ण प्रक्रिया डिजिटल स्वरुपाची आहे. त्यामुळे अतिरिक्त कागदपत्रांची आवश्यकता नाही. एखाद्याला किती कर्ज द्यायचं? हे त्याच्या रोजच्या सेटलमेंटवर किंवा ट्रान्जेक्शनवर ठरणार आहे. यासाठी कोणतेही प्री-पेमेंट चार्ज आकारले जाणार नाही.
कर्ज मिळवण्यासाठी खालील स्टेप्स फॉलो करा :
● पेटीएम बिझनेस अ‍ॅपवरील ‘बिझनेस लोन’ या पर्यायावर क्लिक करा.
● त्यामध्ये गरजेनुसार कर्जाची रक्कम भरा. त्यानंतर मिळणाऱ्या कर्जावरील व्याज, ईएमआय, कालावधी आणि इतर माहिती जाणून घ्या.
● “Get Started” या पर्यायावर क्लिक करा. त्यानंतर कर्जाची प्रक्रिया सुरू होईल.
● त्यापुढील स्क्रीनवर पॅन डिटेल्स, जन्म तारीख, ई-मेल अशा स्वरुपाची माहिती भरा.
● यानंतर तुमच्या क्रेडिट स्कोरची चौकशी केली जाईल आणि केवायसी डीटेल्सची पुष्टी केली जाईल.
● कर्ज अर्ज मंजूर झाल्यानंतर कर्ज तुमच्या अकाऊंटवर जमा होईल.
● कर्जासाठी अर्ज करण्यापूर्वी सर्व डीटेल्स व्यवस्थित तपासून मगच अर्ज करा.
