औरंगाबाद : Aurangabad (Dr. Babasaheb Ambedkar Marathwada University) डॉ. बाबासाहेब आंबेडकर मराठवाडा विद्यापीठाच्या परीक्षा पुढे ढकलण्यात आल्या आहेत. ४ जून रोजी होणाऱ्या सर्व अभ्यासक्रमांच्या पदवी परीक्षा पुढे ढकलण्यात आल्या आहेत. केंद्रीय लोकसेवा आयोगातर्फे घेण्यात येणारी नागरी सेवा पूर्व परीक्षा २०२२ ५ रोजी घेण्यात आली. केंद्रीय लोकसेवा आयोगाच्या (यूपीएससी) परीक्षांसाठी औरंगाबाद शहरातील महाविद्यालये ही परीक्षा केंद्रे होती. दरम्यान, काल एकाच बाकावर केवळ तीन विद्यार्थी परीक्षेला बसल्याने परीक्षार्थींमध्ये प्रचंड गोंधळ उडाला. बीएस्सी, बायोटेक, बीएस्सी आयटी परीक्षांच्या वेळी हा प्रकार घडला. याच बाकावर अत्यंत गर्दीच्या ठिकाणी विद्यार्थ्यांना परीक्षा द्यावी लागत असल्याने ते संतापले होते. यानंतर कुलगुरूंनी जिल्हाधिकाऱ्यांच्या आदेशानुसार परीक्षा पुढे ढकलण्याचे आदेश दिले आहेत.
दरम्यान परीक्षा काल गोंधळ उडाल्यामुळे काबरा कॉलेजमधील परीक्षा केंद्राला तात्पुरती स्थगिती देण्यात आली होती. विद्यापीठांकडून परीक्षार्थींची इतर ठिकाणी व्यवस्था केली जाणार आहे. विद्यापीठाच्या प्र कुलगुरुंनी याबाबत स्पष्टीकरण दिलं. ते म्हणाले, ‘ मी स्वतः परीक्षा केंद्रात जाऊन तेथील पाहणी केली. परीक्षा संचालकांना याबाबतचा अहवाल मागवण्यात आला आहे. संबंधित परीक्षाकेंद्राचे प्रमुख आहेत, त्यांच्याकडूनही अहवाल मागवण्यात आला आहे. या दोन्ही अहवालानंतर जे गैरव्यवस्थापन झालं, त्याचं कारण सापडेल. त्यानुसार, जबाबदार व्यक्तींवर कारवाई केली जाईल.