कोरोना व्हेरिएंट संदर्भात जागतिक आरोग्य संघटनेकडून मोठे पाऊल; काय आहे नेमके प्रकरण जाणून घ्या!
मागील काही दिवसांपासून देशात कोरोना विषाणूची दुसरी लाट ओसरत आहेत. देशात कोरोनाबाधित रुग्णांचा आकडाही कमी झालेला दिसत आहे. पण देशासमोर आता कोरोना विषाणूच्या तिसऱ्या लाटेचा धोका वर्तवण्यात आला आहे. त्याचबरोबर कोरोना विषाणूचा नवीन व्हेरिअंट अर्थातच डेल्टा प्लस व्हेरिअंट अत्यंत घातक असल्याचा दावा केला जात आहे.
कोरोना संसर्गाची दुसरी लाट झपाट्याने पसरण्यास ‘डेल्टा’ व्हेरियंट कारणीभूत ठरला होता. देशात कोव्हिड-19 ची तिसरी लाट येण्याची भीती वर्तवण्यात येत असतानाच ‘डेल्टा प्लस’ व्हेरियंट किती धोकादायक ठरू शकतो, याबद्दलचा अभ्यास सध्या करण्यात येतोय.
डेल्टा प्लस व्हेरियंट काय आहे?
डेल्टा व्हेरियंटमध्ये आणखी बदल म्हणजेच म्युटेशन्स होऊन डेल्टा प्लस व्हेरियंट तयार झालाय. ‘डेल्टा प्लस’ व्हेरियंटमध्ये डेल्टा व्हेरियंटमध्ये असलेले सर्व म्युटेशन आहेत. त्यासोबत स्पाईक प्रोटीममध्ये झालेलं K417N म्युटेशनदेखील आढळून आलंय, अशी माहिती तज्ज्ञांनी दिली आहे.
भारतात सर्वात पहिल्यांदा आढळून आलेल्या ‘डेल्टा व्हेरियंट’चं शास्त्रीय नाव B.1.617.2 आहे. त्यानंतर डेल्टा व्हेरियंटमध्ये हळूहळू बदल होत गेले. ‘डेल्टा प्लस’ व्हेरियंट’चं शास्त्रीय नाव B.1.617.2.1 असं आहे.
भारतात आढळणाऱ्या व्हेरियंटला ‘भारतीय व्हेरिएंट’ म्हणण्यावरून भारत सरकारने टीका केली होती. जागतिक आरोग्य संघटनेने कोणत्याही देशाच्या नावाने असे व्हायरस ला नाव देणे योग्य नसल्याने, आता नव्या नावांची यादी जारी केली आहे.
B.1.617.2 हा व्हेरियंट सर्वप्रथम भारतात ऑक्टोबर 2020 मध्ये आढळला. त्यामुळे अनेकांनी याला भारतीय व्हेरिएंट म्हणायला सुरवात केली होती.
“एखादा व्हेरियंट सापडल्यास त्या देशाच्या नावाशी जोडू नये त्या देशाच्या नावाशी संबंधित तशी ओळख व्हायला नको,” असं जागतिक आरोग्य संघटनेच्या तांत्रिक विभागाच्या प्रमुख मारिया व्हान केरखोव्ह यांनी ट्विटद्वारे सांगितलं.
Today, @WHO announces new, easy-to-say labels for #SARSCoV2 Variants of Concern (VOCs) & Interest (VOIs)
They will not replace existing scientific names, but are aimed to help in public discussion of VOI/VOC
Read more here (will be live soon):
https://t.co/VNvjJn8Xcv#COVID19 pic.twitter.com/L9YOfxmKW7— Maria Van Kerkhove (@mvankerkhove) May 31, 2021
आढळून आलेल्या व्हायरस व्हेरिएंटला काय काय नावे देण्यात आले आहेत, यावर एक नजर टाकू!
कुठल्या व्हेरियंटला काय नावं दिलंय?
अल्फा – B.1.1.7 (युकेमध्ये सप्टेंबर 2020 मध्ये आढळला)
बीटा – B.1.351 (दक्षिण आफ्रिकेत मे 2020 मध्ये आढळला)
गामा – P.1 (ब्राझिलमध्ये नोव्हेंबर 2020 मध्ये आढळला)
डेल्टा – B.1.617.2 (भारतात ऑक्टोबर 2020 मध्ये आढळला)
एप्सिलॉन – B.1.427/B.1.429 (अमेरिकेत मार्च 2020 मध्ये आढळला)
झीटा – P.2 (ब्राझिलमध्ये एप्रिल 2020 मध्ये आढळला)
एटा – B.1.525 (अनेक देशात डिसेंबर 2020 मध्ये आढळला)
थीटा – P.3 (फिलिपाईन्समध्ये जानेवारी 2021 मध्ये आढळला)
आयोटा – B.1.526 (अमेरिकेत नोव्हेंबर 2020 मध्ये आढळला)
कपा – B.1.617.1 (भारतात ऑक्टोबर 2020 मध्ये आढलला)