एसआयपी हा सामान्य लोकांसाठी थोडा पुढारलेला आणि परवडणारा गुंतवणूक पर्याय आहे. अगदी भरवशाचा आणि भरघोस परतावा देणारा म्युच्युअल फंड पर्याय म्हणून एसआयपी ची निवड केली जाते.
सिस्टिमॅटिक इन्व्हेस्टमेंट प्लॅन याचा लॉंग फॉर्म असून, त्यानुसारच तो चालतो देखील! थोड्या-थोड्या टप्प्यांमध्ये इन्वेस्टमेंट करून वेळेवर योग्य परतावा आणि गरजेला उपयुक्त पैसे इतके साधे आणि सोपे गणित एस आय पी बाबत मांडता येते.
एनएव्ही पाहून गुंतवणूक
अनेक गुंतवणूकदार म्युच्युअल फंडची नेट ऍसेट व्हॅल्यू बघून एसआयपीद्वारे त्यात गुंतवणूक करतात. मात्र एखादा म्युच्युअल फंड तुम्हाला कमी पैसे गुंतवून जास्त प्रमाणात परतावा देत असेल आणि दुसरा म्युच्युअल फंड पैसे गुंतवले नंतर परतावा कमी देत असेल त्यावरून त्या म्युच्युअल फंड ची क्वालिटी चेक करणे चुकीचे ठरते. एखादा म्युच्युअल फंड नवीन असेल तर त्याची नेट ऍसेट व्हॅल्यू वाढायला जरा वेळ लागू शकतो. काही काळानंतर त्याची नेट ऍसेट व्हॅल्यू वाढून योग्य तो परतावा तुम्हाला मिळू शकतो.
वाढी ऐवजी लाभांश पाहून गुंतवणूक
अनेक गुंतवणूकदार ग्रोथ प्लान ऐवजी डिव्हीडंट पाहून गुंतवणूक करतात. मात्र, तुम्हाला मिळणारा फायदा हा त्या म्युच्युअल फंडाच्या दर्शनी किमतीवर असल्याने वाढीवर लक्ष देऊन लाभांश थोडे काळ बाजूला ठेवणे सोयीस्कर ठरते.
कारण, कोणताही म्युच्युअल फंड त्याच्या नेट ऍसेट व्हॅल्यू वर तुम्हाला लाभांश देत असतो. आणि कोणत्याही म्युच्युअल फंडाची नेटसेट व्हॅल्यू तेव्हाच वाढते जेव्हा, मार्केटमध्ये त्याची दर्शनी किंमत वाढत असते. त्यामुळे ग्रोथ प्लॅन कडे लक्ष देणे फायद्याचे असते.
समतोल साधण्यासाठी प्रयत्न
अनेक गुंतवणूकदार बाजारात गुंतवणूक करताना राष्ट्रीय आणि आंतरराष्ट्रीय पातळीवर होणाऱ्या घडामोडींशी निगडित निर्णय घेत असतात. त्यानुसार ते आपली गुंतवणूक कुठे करायची हे ठरवतात.