बॉलिवूड अभिनेता इमरान हाश्मी आज आपला 42वा वाढदिवस साजरा करत आहेत. इमरानने आपल्या करिअरची सुरुवात ‘फुटपाथ’ या चित्रपटाने केली होती. मात्र, ‘मर्डर’ आणि ‘गँगस्टर’ यांसारख्या चित्रपटांमुळे तो अधिक लोकप्रिय झाला.
[sc name=”adg”]
अशी आहे इमरानची लव्हस्टोरी
खरेतर इमरान हा बॉलिवूडमध्ये ‘सिरियल किसर’ म्हणून ओळखले जाते. परंतु, खऱ्या आयुष्यात इमरान आपल्या ऑनस्क्रीन प्रतिमेच्या अगदी विरुद्ध आहे. इमरान एक परिपूर्ण कौटुंबिक व्यक्ती आहे. इमरानच्या चित्रपट कारकीर्दीबद्दल प्रत्येकाला माहिती असेलच, पण त्याच्या वैयक्तिक आयुष्याबद्दल कोणालाही फारसे माहिती नाही. आज त्याच्या वाढदिवसाच्या खास निमित्ताने आपण त्याची आणि पत्नी परवीनच्या प्रेमकथेविषयी जाणून घेऊया..
इमरान आणि परवीन दोघेही शाळा व महाविद्यालयात पहिले एकत्र होते. आधी दोघे एकमेकांचे चांगले मित्र बनले आणि मग दोघांची ही मैत्री पुढे प्रेमात बदलली. जवळपास 6 वर्षांच्या नात्यानंतर इमरान आणि परवीनने लग्न करण्याचा निर्णय घेतला. मात्र, त्यावेळी इमरान आपल्या करिअरमध्ये व्यस्त होता आणि त्यानंतर दोघांनी 2006 मध्ये लग्न केले.
[sc name=”adg”]
इमरानचे किसिंग आणि बोल्ड सीन पाहून सुरुवातीला परवीन थोडी नाराज झाली होती, पण नंतर तिला समजले की हा इमरानच्या कामाचा एक भाग आहे. करण जोहरच्या शो ‘कॉफी विथ करण’मध्ये इमरानने सांगितले होते की, जेव्हा परवीनने मर्डर चित्रपटात इमरान आणि मल्लिका शेरावतचे बोल्ड दृश्य पाहिले, तेव्हा तिने रागाने इमरानचा हात इतक्या जोराने धरला की, तिचे नखे इमरानच्या हातात रुतली. इमरानच्या हाताला रक्तस्त्राव होऊ लागला. ती चिडून म्हणाली, तू काय करतोस हे? मला याबद्दल आधी काहीही का सांगितले नाही? मात्र, त्यानंतर तिने समजून घेतले.
यानंतर इम्रानने सांगितले की, त्याने आपल्या पत्नीशी करार केला आहे की जेव्हा जेव्हा आपण चित्रपटात किसिंग सीन किंवा बोल्ड सीन देईल, तेव्हा तो पत्नीला महागडी भेटवस्तू देईल. अशाप्रकारे परवीनकडे आता अनेक महागड्या बॅग आहेत. परवीनने इमरानला खूप साथ दिली आहे. इतकेच नाही, तर दोघांनीही एकत्र राहून प्रत्येक कठीण प्रसंगावर देखील मात केली आहे.
[sc name=”adg”]
दरम्यान, अलीकडे एका मुलाखतीदरम्यान इमरानला विचारले गेले होते की, तो आपल्या पत्नीशी चित्रपटांबद्दल बोलतो का?, तर अभिनेता म्हणाला, ‘हो, जेव्हा जेव्हा मी स्क्रिप्ट वाचतो तेव्हा मी परवीनचा दृष्टिकोनही विचारात घेतो. पण, मी हे कधीच विचारत नाही की, तो केला पाहिजे की नाही? चित्रपट करायचा की, नाही हा सर्वस्वी माझा निर्णय असतो.
[sc name=”adg”]